غزل
اچھی صورت پہ غضب ٹوٹ کے آنا دل کا
اچھی صورت پہ غضب ٹوٹ کے آنا دل کا
یہ غزل حسن کے جادو اور جوانی کے اس دور کی یاد دلاتی ہے جب دل بے اختیار کسی خوبصورت چہرے پر فدا ہو جایا کرتا تھا۔ اس میں دل کی بے قراری، محبت کے افسانے اور گزرے ہوئے زمانے کی حسرتوں کو نہایت دلکش اور جذباتی انداز میں بیان کیا گیا ہے۔
Source: rekhta · HI
نغمہ سنیں
ابھی نغمہ نہیں
1
अच्छी सूरत पे ग़ज़ब टूट के आना दिल का
याद आता है हमें हाए ज़माना दिल का
اچھی صورت پہ غضب ٹوٹ کے آنا دل کا
یاد آتا ہے ہمیں ہائے زمانا دل کا
کسی خوبصورت چہرے پر دل کا اس طرح ٹوٹ کر فدا ہونا؛ ہائے مجھے اپنے دل کا وہ گزرا ہوا زمانہ یاد آتا ہے۔
2
तुम भी मुँह चूम लो बे-साख़्ता प्यार आ जाए
मैं सुनाऊँ जो कभी दिल से फ़साना दिल का
تم بھی منہ چوم لو بے ساختہ پیار آ جائے
میں سناؤں جو کبھی دل سے فسانا دل کا
اگر میں کبھی سچے دل سے اپنے دل کا فسانہ سناؤں، تو آپ کو بھی مجھ پر بے ساختہ اتنا پیار آ جائے گا کہ آپ میرا منہ چوم لیں گے۔
3
निगह-ए-यार ने की ख़ाना-ख़राबी ऐसी
न ठिकाना है जिगर का न ठिकाना दिल का
نگۂ یار نے کی خانہ خرابی ایسی
نہ ٹھکانا ہے جگر کا نہ ٹھکانا دل کا
محبوب کی نگاہ نے ایسی بربادی اور تباہی مچائی ہے کہ اب نہ جگر کا کوئی ٹھکانہ رہا ہے اور نہ دل کا۔
4
पूरी मेहंदी भी लगानी नहीं आती अब तक
क्यूँकर आया तुझे ग़ैरों से लगाना दिल का
پوری مہندی بھی لگانی نہیں آتی اب تک
کیوں کر آیا تجھے غیروں سے لگانا دل کا
تمہیں ابھی تک ہاتھوں پر پوری طرح مہندی لگانا بھی نہیں آتا، پھر تم نے غیروں سے دل لگانا کیسے سیکھ لیا؟
5
ग़ुंचा-ए-गुल को वो मुट्ठी में लिए आते थे
मैं ने पूछा तो किया मुझ से बहाना दिल का
غنچۂ گل کو وہ مٹھی میں لیے آتے تھے
میں نے پوچھا تو کیا مجھ سے بہانا دل کا
وہ گلاب کی کلی کو مٹھی میں لیے آ رہے تھے، جب میں نے پوچھا کہ یہ کیا ہے تو مجھ سے بہانہ بنا کر کہہ دیا کہ یہ دل ہے۔
6
इन हसीनों का लड़कपन ही रहे या अल्लाह
होश आता है तो आता है सताना दिल का
ان حسینوں کا لڑکپن ہی رہے یا اللہ
ہوش آتا ہے تو آتا ہے ستانا دل کا
اے اللہ! ان حسینوں کا بچپن ہی قائم رہے، کیونکہ جیسے ہی انہیں ہوش اور سمجھ آتی ہے تو انہیں دل کو ستانا بھی آ جاتا ہے۔
7
दे ख़ुदा और जगह सीना ओ पहलू के सिवा
कि बुरे वक़्त में हो जाए ठिकाना दिल का
دے خدا اور جگہ سینہ و پہلو کے سوا
کہ برے وقت میں ہو جائے ٹھکانا دل کا
8
मेरी आग़ोश से क्या ही वो तड़प कर निकले
उन का जाना था इलाही कि ये जाना दिल का
میری آغوش سے کیا ہی وہ تڑپ کر نکلے
ان کا جانا تھا الٰہی کہ یہ جانا دل کا
9
निगह-ए-शर्म को बे-ताब किया काम किया
रंग लाया तिरी आँखों में समाना दिल का
نگہ شرم کو بے تاب کیا کام کیا
رنگ لایا تری آنکھوں میں سمانا دل کا
10
उँगलियाँ तार-ए-गरेबाँ में उलझ जाती हैं
सख़्त दुश्वार है हाथों से दबाना दिल का
انگلیاں تار گریباں میں الجھ جاتی ہیں
سخت دشوار ہے ہاتھوں سے دبانا دل کا
11
हूर की शक्ल हो तुम नूर के पुतले हो तुम
और इस पर तुम्हें आता है जलाना दिल का
حور کی شکل ہو تم نور کے پتلے ہو تم
اور اس پر تمہیں آتا ہے جلانا دل کا
12
छोड़ कर उस को तिरी बज़्म से क्यूँकर जाऊँ
इक जनाज़े का उठाना है उठाना दिल का
چھوڑ کر اس کو تری بزم سے کیوں کر جاؤں
اک جنازے کا اٹھانا ہے اٹھانا دل کا
13
बे-दिली का जो कहा हाल तो फ़रमाते हैं
कर लिया तू ने कहीं और ठिकाना दिल का
بے دلی کا جو کہا حال تو فرماتے ہیں
کر لیا تو نے کہیں اور ٹھکانا دل کا
14
बा'द मुद्दत के ये ऐ 'दाग़' समझ में आया
वही दाना है कहा जिस ने न माना दिल का
بعد مدت کے یہ اے داغؔ سمجھ میں آیا
وہی دانا ہے کہا جس نے نہ مانا دل کا
Comments · 0
Free — just your email. You'll come right back here.
No comments yet. Be the first.