Ghazal
kisi pe haal-e-dil apna ayaan nahin hota
This ghazal poignantly portrays the deep anguish and helplessness of being unable to truly express the state of one's heart despite countless attempts. It reflects on silent endurance and patient suffering under injustice, blending vulnerability with quiet resilience.
Source: Kashkol-e-Majzoob · UR
Listen
No song yet
1
کسی پہ حالِ دل اپنا عیاں نہیں ہوتا
بیاں ہزار کروں میں بیاں نہیں ہوتا
kisi pe haal-e-dil apna ayaan nahin hota
bayaan hazaar karoon main bayaan nahin hota
2
مجھے خیال یہ آسماں نہیں ہوتا
کہ صبرِ ظلم کبھی رائیگاں نہیں ہوتا
mujhe khayaal ye aasmaan nahin hota
ki sabr-e-zulm kabhi raaegaan nahin hota
3
اپنے آپکے ہوتے ہیں آپ ہی دشمن
وہ مہرباں کبھی نا مہرباں نہیں ہوتا
apne aapke hote hain aap hi dushman
wo meharbaan kabhi na meharbaan nahin hota
4
دلِ ناتواں ہوں ترے سالکوں میں یوں جیسے
غبارِ راہ پسِ کارواں نہیں ہوتا
dil-e-naatwaan hoon tire saalikon mein yoon jaise
ghubaar-e-raah pas-e-kaarwaan nahin hota
5
رہے گی حُسن کی ہر روز گرم بازاری
گراں ہزار کرو تم گراں نہیں ہوتا
rahegi husn ki har roz garm baazaari
garaan hazaar karo tum garaan nahin hota
6
خدا کا حکم بجا لانا اس قدر ہے گراں
بتوں کے ناز اٹھانا گراں نہیں ہوتا
khuda ka hukm baja laana is qadar hai garaan
buton ke naaz uthaana garaan nahin hota
7
عبث ہے فکرِ مداوا کہ موت سے پہلے
سکوں پذیر یہ قلبِ تپاں نہیں ہوتا
abas hai fikr-e-mudaawa ki maut se pehle
sukoon pazeer ye qalb-e-tapaan nahin hota
8
وہ پوچھتے بھی ہیں آکر کبھی جو حال مرا
تو لب پہ کچھ بجز آہ و فغاں نہیں ہوتا
wo poochhte bhi hain aakar kabhi jo haal mira
to lab pe kuchh bajuz aah-o-fugaan nahin hota
9
اے طبیب! سراپا ہوں درد مجھ سے نہ پوچھ
کہاں تو ہوتا ہے درد اور کہاں نہیں ہوتا
ai tabeeb! saraapa hoon dard mujh se na poochh
kahan to hota hai dard aur kahan nahin hota
10
نکالو یاد حسینوں کی دل سے اے مجذوبؔ
خدا کا گھر ہے یہ ذکرِ بُتاں نہیں ہوتا
nikaalo yaad haseenon ki dil se ai majzoob
khuda ka ghar hai ye zikr-e-butaan nahin hota
Comments · 0
Free — just your email. You'll come right back here.
No comments yet. Be the first.