Ghazal
tu ne apna jalwa dikhane ko, jo naqab munh se utha diya
This ghazal portrays the overwhelming power of the beloved's unveiled beauty, which casts the lover into a state of spellbound awe and ecstasy. Upon witnessing this divine radiance, the lover's ego and sense of self are completely effaced.
Source: Divan-e-Niyaz (Lucknow, 1960 reprint) · UR
Listen
No song yet
1
تو نے اپنا جلوہ دکھانے کو، جو نقاب منھ سے اُٹھا دیا
وہیں محوِ حیرت و بے خودی، ہمیں آئینہ سا بنا دیا
tu ne apna jalwa dikhane ko, jo naqab munh se utha diya
wahin mahv-e-hairat-o-be-khudi, hamein aaina sa bana diya
2
وہ جو نقشِ پا کی طرح رہی تھی نمود اپنے وجود کی
سو کشش نے دامنِ ناز کی، اسے بھی زمیں سے مٹا دیا
wo jo naqsh-e-pa ki tarah rahi thi namud apne wajud ki
so kashish ne daman-e-naz ki, use bhi zamin se mita diya
3
کیا ہی چین خوابِ عدم میں تھا، نہ تھا زلفِ یار کا کچھ خیال
سو جگا کے شورِ ظہور نے، مجھے کس بلا میں پھنسا دیا
kya hi chain khwab-e-adam mein tha, na tha zulf-e-yar ka kuchh khayal
so jaga ke shor-e-zahur ne, mujhe kis bala mein phansa diya
4
ذرا چھپ نگاہِ رقیب سے پڑی اُس گلی میں تھی میری خاک
تو نے ایک جھونکے میں اے صبا، اسے بھی وہاں سے اُڑا دیا
zara chhup nigah-e-raqib se padi us gali mein thi meri khak
tu ne ek jhonke mein ai saba, use bhi wahan se uda diya
5
رگ و پے میں آگ بھڑک اُٹھی، پھنکے ہے پڑا سبھی تن بدن
مجھے ساقیا مئے آتشیں کا یہ جام کیسا پلا دیا ؟
rag-o-pai mein aag bhadak uthi, phunke hai pada sabhi tan badan
mujhe saqiya may-e-aatishin ka ye jaam kaisa pila diya ?
6
یہ نہال شعلۂ حُسن کا، ترا بڑھ کے سر بہ فلک ہوا
مری کاہِ ہستی نے مشتعل ہو، اُسے یہ نشو و نما دیا
ye nihal shola-e-husn ka, tira badh ke sar-ba-falak hua
miri kah-e-hasti ne mushtail ho, use ye nashv-o-numa diya
7
جبھی جا کے مکتبِ عشق میں، سبقِ مقامِ فنا دیا
جو لکھا پڑھا تھا نیاز نے، سبھی ایک پل میں بھلا دیا
jabhi ja ke maktab-e-ishq mein, sabaq-e-maqam-e-fana diya
jo likha padha tha niyaz ne, sabhi ek pal mein bhula diya
Comments · 0
Free — just your email. You'll come right back here.
No comments yet. Be the first.